نكـــــــــــــــت ولا اروع - بريس تطوان - أخبار تطوان

نكـــــــــــــــت ولا اروع

 
 
 
نكـــــــــــــــت ولا اروع

 
 
 
 
هذا واحد مرتوا ولدات مع 11 د ليل فالسبيطار الراجل مشى قتل البنت اللي عاد تزادت جا الطبيب قاليه علاش قتلتيها جاوبو قاليه هدي يالله تولدات جاياني مع 11 د ليل ايوا فاش تكبر معاياش بغات تجي بالسلامة
 
************************************
 
  قاليك هدا واحد سول باه قلو : شكون هاي يحتل الكرة الرضية فعام2050 قال الاب : المغرب قال الولد : علاش قال الاب : حتاش كولشي هايمشي القمر ويبقا المغرب ف الارض بوحدوو

************************************
 
معكاز شرا ليه باه محل ديال دجاج باش يجمع راسو… جات عندو واحدة قالت ليه ارا ليا شي دجاجة فيها 2 كيلو … الدري مكسل.. شاف فدجاج وقال يللاه للي فيها 2 كيلو تنوض  
 
***********************************
 
واحد جوج لحايا معندهم فلوس… تافقوا يركبو طاكسي ومني يحطهم يهربو… مني حطهم هربو.. مول طاكسي تاهوا هرب… تسحاب ليه حطو ليه قنبولة 

***********************************
 
لحناش تابعين شي حشاشين . خسرات ليهم صطافيط.. ركبو طموبيل ديال كنور.. شدوا واحد حشايشي.. بدا كايضحاااااااك.. قالو ليه مال جدك كضحك.. قال ليهم شفت كنور بالدجاج بالحوت غير عمرني ماشفتو بالحناش
 
***********************************
 
هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قال ليه: وا مالك أصاحبي ماكتجريش؟        …..جاوبو صاحبو: وعلاش نجري؟ مالي أنا اللي ضربتو؟ 
                                                     ************************************
-هدا واحد السكيري هاز قرعة ديال الروج شاف البوليسي وهوايخبيها.. وهوا يجي عندو البوليسي قاليه ..اش داكشي اللي مخبي قاليه السكيري لا والو غا اللبن ومع لخلعة وهيا طيح ليه القرعة ديال الروج وتهرسات وهوا يقوليه البوليسي هذا هو اللبن ومالو حمر.. قاليه السكيري لا والله اتا لبن غاشافك وهوا يتزنك ytzanag.
************************************
هادو 2 دراري تعطلو على المدرسة ,و قال ليهم المعلم : علاش تعطلتو قال ليه واحد راه طاحت ليا 10 دراهم , و هو يقول ل تاني: و نتا  مالكقال ليه: راه كنت داير رجلي عليها

************************************
واحد شرا بارابول بالتخبية من دارهم وخباه ف السطاح، وقال ليهم: حتى واحد ما يطلع للسطاح، راه شريت كلب كبير و جاعر. ناض خوه طلع للسطاح باش يشوف أشنو كيان، وملي نزل جا كيجري ومخلوع. سولوه: شفتي الكلب؟ قال ليهم: لا، شفت غير الطبسيل فاش كياكل
 
  ************************************

سولوا واحد المكلخ : علاش كيدير الطبيب والفراملية الكمامات إيلا كيدروا شي عملية؟ قال ليهم المكلخ : باش إيلا ما صدقاتش ليهم حتى واحد ما يقشعهم
 
***********************************                       
هادا واحد مكلخ مشى يخطب جات البنت حطات ليه كاس ديال أتاي ليبتون قال ليها: من دابا بدينا ف الحجابات؟
 
 ***********************************                       
وحد المبوق سول صاحبو: أشنو غادير دير إيلا فقتي ولقيتي راسك ميت؟ قال ليه صاحبو المبوق: نااااااري أصاحبي، راني نتسطى
 
***********************************  
هادا واحد ديما كيمشي عند مول الحانوت كيقول ليه: عندك خبز كارم؟  كيقول ليه مول الحانوت: لا. بقاو على هاد الحال شحال، واحد نهار فكر مول الحانوت وقال: اليوم غادي نوجد ليه خبز كارم.  جا عندو هاداك الراجل، قال ليه: عندك خبز كارم؟  هاد المرة قال ليه مول الحانوت: كاين  وهو يقول ليه: ماغاديش يتباع ليك
 
***********************************  
واحد المعلم  سول التلميد: علاش تعطلتي؟ قال ليه الولد: واحد الراجل كان كيقلب على 100 درهم ديالو المعلم: مزيان، هي كنتي كتعاونو يقلب عليها التلميد: لا، كنت حاط رجلي عليها
 
 ***********************************  
قال ليك هادا واحد مشى عند مول المحلبة وقال ليه: بشحال التفرتيت؟ قال ليه مول المحلبة: فابور قال ليه خينا: إيوا فرتت ليا عافاك واحد تلاتة ديال ميل فوي
(millefeuille)
 
***********************************  
برغوت وبرغوتة كانوا ف السينيما. ملي سالى الفيلم و بغاو يمشيو للدار، قال البرغوت للبرغوتة: فيك ما يتمشى أولا نركبوا شي كلب؟
 
 *********************************** 

بريس تطوان
 
 
 

 

 

 
 


شاهد أيضا

اترك رد

لن يتم نشر عنوان بريدك الإلكتروني.